"Galatasaroy" ketma-ket ikkinchi marta Turkiya chempioni bo‘ldi.

Okan Buruk shogirdlari so‘nggi turda “Konyaspor”ni mag‘lub etib (3:1) “Fenerbaxche”dan 3 ochko oldinda, mavsumni birinchi o‘rinda yakunladi.

Istanbul klubi 24-marta chempionlikni qo‘lga kiritdi. Boshqa hech bir klub 19 tadan ko‘p g‘alaba qozona olmagan.

102 ochko turnir tarixidagi eng yaxshi natija hisoblanadi. Avvalgi rekord “Fenerbaxche”ga tegishli edi – 1988/89 yilgi mavsumda 93 ochko.

Kuchli uchlikni “Trabzonspor” (67) yopdi, “Beshiktosh” bor-yo‘g‘i 6-o‘rinni egalladi (56).