Aleish Garsiya "Barselona"ga o‘tish ehtimoli past.
Jurnalist Florian Plettenbergning yozishicha, “Bayer” yarim himoyachining transferga roziligini olgan. U bilan uzoq muddatli shartnoma tuziladi.
Leverkuzen va "Jirona" o‘rtasidagi muzokaralar yuqori bosqichda. Transfer summasi 15 dan 20 million yevrogacha bo‘lishi muhokama qilinmoqda.
Avvalroq "Barselona" o‘z futbolchilaridan birini shartnomaga qo‘shib, Garsiyani 15 milliondan kamiga sotib olishga umid qilgani haqida xabar berilgandi.
26 yoshli yarim himoyachi joriy mavsumda La Ligada 37 ta o‘yin o‘tkazib, 6 ta golli uzatmani amalga oshirdi.
