"Manchester Yunayted" va Braziliya terma jamoasi yarim himoyachisi Kazemiro uning sobiq jamoadoshi, mashhur portugaliyalik hujumchi Krishtianu Ronaldu to‘p tepadigan Saudiya Arabistonining "An-Nasr" klubiga o‘tishi mumkin. Bu haqda Relevo xabar bermoqda.

Manbaga ko‘ra, Saudiya Arabistoni davlat investisiya jamg‘armasi Kazemironing yozda "Manchester Yunayted"dan transferini ta’minlash uchun katta summa taklif qilishga tayyor.

Ma’lumotlarga ko‘ra, braziliyalik futbolchi "Manchester Yunayted"ning qarorini kutmoqda. Kazemiro hali kelajagi haqida bir qarorga kelmagan, biroq unga faoliyatini Saudiya Arabistonida davom ettirish g‘oyasi yoqadi.