"Barselona" bir necha kun oldin Xavi jamoani tark etishini ma’lum qildi. Klubda shunday futbolchilar bor ediki, ularni aynan murabbiy tarkibda ushlab qolayotgan edi. Endi ular jamodan ketishi mumkin. Keling, Xavi kimlarga imkoniyat berib kelganini ko‘ribn chiqamiz.

Fermin Lopez. Fermin "Sevilya"ga qarshi o‘yinda "Barsa"ning mavsumdagi so‘nggi golini urganidan so‘ng, u Xavining oldiga borib, uni quchoqladi. O‘tgan yozda "Barsa" uni Polshaga jo‘natmoqchi bo‘lganida, aynan Xavi Ferminga ishongan edi.

Keyinchalik nima bo‘lishini har kim o‘zicha taxmin qilishi mumkin. Fermin Flik qo‘l ostida muntazam o‘ynashi va yana 43 ta o‘yin o‘tkazishiga ishonchi komil emas.

Ferran Torres. Xavi "Barsa"ni 2022 yilda "Manchester Siti"dan Ferranni sotib olishga ko‘ndirgandi. Ispaniyalik hujumchi "Barsa"da yaxshi damlarni o‘tkazdi, ammo uning muammosi barqarorlik yo‘qligi bo‘lib qoldi. Agar Xavi allaqachon Ferranni zaxira o‘rindig‘ida qoldirishni boshlagan bo‘lsa, yangi murabbiy qo‘l ostida nima bo‘lishini tasavvur qilish mumkin.

Sergi Roberto. Xavi iste’foga chiqarilishidan oldin "Barsa" sardori bilan shartnomani uzaytirishga tayyor edi. Klub endi ham bu qarorida qoladimi, yo‘qmi hozircha noma’lum. Robertoga qolishga ruxsat berilgan taqdirda ham u yangi murabbiy qo‘l ostida kamroq o‘yin o‘tkazsa kerak.

Inigo Martines. O‘tgan yozda Xavi 33 yoshli himoyachining "Barsa"ga o‘tishiga rozi bo‘lgandi. Shuningdek, u bu mavsumda Martinesga ko‘p o‘yin vaqti berdi. Ammo yangi murabbiy kelishi bilan futbolchining holati o‘zgarishi mumkin.