"Bolonya" bosh murabbiyi Tyago Motta o‘zi bilan Turinning "Yuventus" klubiga murabbiylar shtabini olib ketadi. Eslatib o‘tamiz, italiyalik mutaxassis kelasi mavsumdan boshlab "keksa sinyora"da ishlaydi.

Il Corriere Dello Sport xabariga ko‘ra, "Yuventus" Mottaning murabbiylar shtabiga yiliga bir yarim million yevro maosh to‘laydi. Tyago “Yuventus”dan murabbiylar shtabi bilan birga Turinga ko‘chib o‘tish imkoniyatini berishini qat’iy so‘radi.

Motta "Bolonya" boshchiligida Italiya chempionatida to‘rtinchi o‘rinni egalladi va jamoaning keyingi mavsumda Chempionlar ligasiga yo‘llanma olishiga yordam berdi. Oldinroq uning xizmatlariga "Milan" ham qiziqayotgan edi.