"Болонья" бош мураббийи Тьяго Мотта ўзи билан Туриннинг "Ювентус" клубига мураббийлар штабини олиб кетади. Эслатиб ўтамиз, италиялик мутахассис келаси мавсумдан бошлаб "кекса синьора"да ишлайди.
Il Corriere Dello Sport хабарига кўра, "Ювентус" Моттанинг мураббийлар штабига йилига бир ярим миллион евро маош тўлайди. Тьяго “Ювентус”дан мураббийлар штаби билан бирга Туринга кўчиб ўтиш имкониятини беришини қатъий сўради.
Мотта "Болонья" бошчилигида Италия чемпионатида тўртинчи ўринни эгаллади ва жамоанинг кейинги мавсумда Чемпионлар лигасига йўлланма олишига ёрдам берди. Олдинроқ унинг хизматларига "Милан" ҳам қизиқаётган эди.
