"Inter" hujumchi Lautaro Martines bilan yangi shartnoma shartlari bo‘yicha kelisha olmayapti.

"Neradzurrilar" rahbariyati sardor bilan yangi mavsum boshlangunga qadar kelishuvga erishishga umid qilmoqda, ammo bu oson bo‘lmaydi - hozircha tomonlar kelishuvga erishishdan yiroq. Jurnalist Fabrisio Byazinning yozishicha, klub yaqin vaqt ichida Martinesning agentidan aniq javob olishni kutmoqda. Agar 26 yoshli argentinalik hali ham murosaga rozi bo‘lmasa, kelajakda uni tekinga yo‘qotmaslik uchun "Inter" uni katta ehtimol bilan sotuvga qo‘yadi.

Lautaro Martinesning amaldagi shartnomasi 2026 yilgacha mo‘ljallangan. Transfermarkt portali ma’lumotlariga ko‘ra, futbolchining narxi 110 million yevroni tashkil qiladi.