Qozog‘iston terma jamoasi bosh murabbiyi Magomed Adiyev o‘z lavozimini tark etdi, deb xabar bermoqda mamlakat futbol federasiyasi matbuot xizmati.
“Bosh murabbiy Magomed Adiyev o‘z qaroriga oilaviy sharoitni sabab qilib ko‘rsatib, o‘z lavozimini tark etdi”, — deyiladi xabarda.
Qayd etilishicha, federasiya kelasi haftada terma jamoaning yangi bosh murabbiyi borasida qaror qabul qiladi.
46 yoshli mutaxassis terma jamoani 2022 yilning aprel oyidan buyon boshqarib kelayotgandi. Uning qo‘l ostida Qozog‘iston terma jamoasi 21 uchrashuv o‘tkazib, 11 g‘alaba qozongan, 1 marta durang o‘ynagan va 9 uchrashuvda mag‘lub bo‘lgan.
