Қозоғистон терма жамоаси бош мураббийи Магомед Адиев ўз лавозимини тарк этди, деб хабар бермоқда мамлакат футбол федерацияси матбуот хизмати.
“Бош мураббий Магомед Адиев ўз қарорига оилавий шароитни сабаб қилиб кўрсатиб, ўз лавозимини тарк этди”, — дейилади хабарда.
Қайд этилишича, федерация келаси ҳафтада терма жамоанинг янги бош мураббийи борасида қарор қабул қилади.
46 ёшли мутахассис терма жамоани 2022 йилнинг апрель ойидан буён бошқариб келаётганди. Унинг қўл остида Қозоғистон терма жамоаси 21 учрашув ўтказиб, 11 ғалаба қозонган, 1 марта дуранг ўйнаган ва 9 учрашувда мағлуб бўлган.
