Superliga 10-turidan o‘rin olgan OKMK – "Metallurg" (1:0) uchrashuvidan so‘ng mezbonlar bosh murabbiyi Mirjalol Qosimov o‘z fikrlarini bildirib o‘tdi.

"Kerakli 3 ochkoga ega chiqdik, ammo bu oson bo‘lgani yo‘q. O‘ylashimcha, haqli tarzda g‘alabaga erishdik. 70-daqiqagacha ustunlik to‘liq biz tomonda bo‘ldi va ikkinchi golni kiritishimiz ham mumkin edi, ammo ulardan foydalana olmadik. So‘nggi daqiqalar anchagina og‘ir o‘tdi. Oldinda FIFA kunlari kutib turibdi. Bu esa jarohatdagi futbolchilarnin safga qaytishida ayni muddao bo‘ladi.

Abdurahmonov, Xolmurodov, Abdurazzoqov hali o‘z ustida ko‘p ishlashi lozim. Futbol jamoaviy sport turi va shu sababli kimnidir ajratib ko‘rsatmayman".