"Real Madrid" yarim himoyachisi Luka Modrich jamoa nima uchun mavsumni muvaffaqiyatli o‘tkazganini tushuntirib berdi.
1 iyun kuni jamoa finalda Dortmundning “Borussiya” jamoasini mag‘lub etib (2:0) 15-marta Chempionlar ligasida g‘alaba qozondi va bundan avval La Liga chempionligini qo‘lga kiritdi va Ispaniya Superkubogini ham o‘ziniki qildi.
“Joriy mavsumda jarohatlar bo‘yicha ko‘p muammolarga duch keldik, lekin biz doimo bir-birimizga yordam berardik, bir oiladek edik. Bu sovrinlarni yutishning yagona yo‘li. Bu mavsumda biz bir oila edik. Muxlislarimizga qo‘llab-quvvatlaganliklari uchun minnatdorchilik bildirmoqchiman, ular biz uchun qanchalik muhim ekanini bilishmasa kerak", - deya 38 yoshli xorvatiyalikning so‘zlaridan iqtibos keltiradi Madrid Xtra.
