Germaniya terma jamoasi bosh murabbiyi Yulian Nagelsmann nemis radiokompaniyasi tomonidan o‘tkazilgan so‘rov natijalariga ko‘ra, nemislarning 21 foizi terma jamoada ko‘proq oq tanli futbolchilarni ko‘rishni xohlashi haqidagi xabarni qoraladi.
"Bu irqchilik. Biz uyg‘onishimiz kerak, xavfsizlik izlab o‘z mamlakatlarini tark etishga majbur bo‘lgan ko‘plab odamlar bor.
Buni jamoat televideniyesida ko‘tarayotganimiz aqldan ozishdir. Yevropada urushlar, iqtisodiy muammolar, tabiiy ofatlar tufayli o‘z mamlakatlarini tark etishga majbur bo‘lgan odamlar bor. Umid qilamanki, endi hech qachon bunday bema’ni so‘rovlar haqida o‘qimasligim kerak", - deya Nagelsmanning so‘zlarini keltiradi Relevo.
Germaniya 14 iyundan 14 iyulga qadar bo‘lib o‘tadigan Yevropa chempionatiga mezbon davlat hisoblanadi.
