“Al-Hilol” hujumchisi Neymar “Oltin to‘p” uchun kurashda o‘zining favoritini aytdi. Shaxsiy sovrin uchun asosiy da’vogarlar "Real Madrid" vakili Jud Bellingem va Vinisius Juniordir. Neymar, ajablanarli emas, o‘z vatandoshini afzal ko‘rdi.
"Men Vinisiusni qo‘llab-quvvatlayman. Men uning “Oltin to‘p”ni qo‘lga kiritishini istayman", — deydi futbolchi.
1 iyun kuni bo‘lib o‘tgan Chempionlar ligasi finalida “Real” – “Borussiya Dortmund” (2:0) uchrashuvida Vinisius Junior o‘yindagi ikkinchi va yakuniy golga mualliflik qildi. Umuman olganda, 23 yoshli braziliyalik joriy mavsumda “Los Blankos” safida 39 ta o‘yinda maydonga tushib, 24 ta gol urdi va 11 ta golli uzatmani amalga oshirdi.
