“Ал-Ҳилол” ҳужумчиси Неймар “Олтин тўп” учун курашда ўзининг фаворитини айтди. Шахсий соврин учун асосий даъвогарлар "Реал Мадрид" вакили Жуд Беллингем ва Винисиус Жуниордир. Неймар, ажабланарли эмас, ўз ватандошини афзал кўрди.

"Мен Винисиусни қўллаб-қувватлайман. Мен унинг “Олтин тўп”ни қўлга киритишини истайман", — дейди футболчи.

1 июнь куни бўлиб ўтган Чемпионлар лигаси финалида “Реал” – “Боруссия Дортмунд” (2:0) учрашувида Винисиус Жуниор ўйиндаги иккинчи ва якуний голга муаллифлик қилди. Умуман олганда, 23 ёшли бразилиялик жорий мавсумда “Лос Бланкос” сафида 39 та ўйинда майдонга тушиб, 24 та гол урди ва 11 та голли узатмани амалга оширди.