Dortmundning "Borussiya" klubi Germaniya Bundesligasining eng yaxshi to‘purarlaridan biriga e’tibor qaratmoqda.
Gap o‘tgan mavsumni Germaniya chempionatida 28 gol bilan yakunlagan va to‘purarlar jadvalida Xarri Keyndan keyin ikkinchi o‘rinni egallagan "Shtutgart" hujumchisi Seru Girassi haqida ketmoqda.
Fabrisio Romano bergan ma’lumotga ko‘ra, "Borussiya" allaqachon Girassi bilan muzokaralar olib borgan va futbolchi bilan bo‘lajak hamkorlikni muhokama qilgan.
28 yoshli gvineyalik futbolchiga avvalroq Myunxenning "Bavariya" klubi ham qiziqish bildirgan, biroq futbolchi zaxira rolini o‘ynashni istamayapti.
