Дортмунднинг "Боруссия" клуби Германия Бундеслигасининг энг яхши тўпурарларидан бирига эътибор қаратмоқда.
Гап ўтган мавсумни Германия чемпионатида 28 гол билан якунлаган ва тўпурарлар жадвалида Харри Кейндан кейин иккинчи ўринни эгаллаган "Штутгарт" ҳужумчиси Серу Гирасси ҳақида кетмоқда.
Фабрицио Романо берган маълумотга кўра, "Боруссия" аллақачон Гирасси билан музокаралар олиб борган ва футболчи билан бўлажак ҳамкорликни муҳокама қилган.
28 ёшли гвинеялик футболчига аввалроқ Мюнхеннинг "Бавария" клуби ҳам қизиқиш билдирган, бироқ футболчи захира ролини ўйнашни истамаяпти.
