Angliya futbol assosiasiyasi (FA) «Vest Xem» yarim himoyachisi Lukas Paketani feyr-pley va pul tikish qoidalarini buzgani uchun bir umrga futboldan chetlashtirishi mumkin, deb yozadi "The Sun".

Manbaga ko‘ra, braziliyalik futbolchiga aloqador 60 ga yaqin odam sariq kartochkalar garovi sabab 100 ming funt sterlingdan ko‘proq pul yutdi.

Avvalroq Paketa o‘ziga qo‘yilgan barcha ayblovlarni rad etishi ma’lum bo‘lgandi.

2023 yilning yozida «Manchester Siti» garovlar tufayli futbolchini transfer qilishdan bosh tortgani xabar qilingandi.

2023/24 yilgi mavsumda yarim himoyachi «Vest Xem» safida 43 ta o‘yinda maydonga tushib, 8 ta gol va 7 ta golli uzatmaga mualliflik qilgan.