"Chelsi" yarim himoyachi Konor Gallaxerning narxi borasida bir qarorga keldi. London klubi 24 yoshli futbolchi bilan yangi shartnoma borasida kelishuvga erishishga yaqin emas.

Amaldagi shartnoma bir yildan keyin tugaydigan bo‘lsa, "ko‘klar" yozda o‘z futbolchisini sotish imkoniyatini ko‘rib chiqishga tayyor. Insayder Fabrisio Romanoning xabariga ko‘ra, "Chelsi" Gallaxerni sotishdan 50 million funt sterlingdan (deyarli 59 million yevro) ko‘proq pul yig‘moqchi.

"Tottenxem" yarim himoyachiga da’vogarlar qatorida qolmoqda, uning boshqaruvchisi Ange Postekoglu angliyalikning qobiliyatini juda yuqori baholaydi. Futbolchining xizmatlariga "Aston Villa" ham qiziqish bildirmoqda.