"Barselona" yozgi transfer oynasida o‘z safiga "Lester" yarim himoyachisini qo‘shib olishi mumkin. Sport.es nashri xabariga ko‘ra, "blaugranalar" shartnomasi iyul oyida tugaydigan Uilfred Ndidini taklif qilmoqchi.

Manba bergan xabarga ko‘ra, jamoa bosh murabbiyi Xans-Diter Flik nigeriyalik futbolchini yaxshi ko‘radi, ammo Uilfred hali ustuvor nomzod emas.

Ndidi erkin agent sifatida shartnoma imzolashi mumkin, bu moliyaviy muammolarga duch kelayotgan "Barselona" uchun foydali bo‘ladi. 27 yoshli Uilfred o‘tgan mavsum Chempionshipda 4 ta gol urdi va 5 ta golli uzatmani amalga oshirdi.