"Барселона" ёзги трансфер ойнасида ўз сафига "Лестер" ярим ҳимоячисини қўшиб олиши мумкин. Sport.es нашри хабарига кўра, "блауграналар" шартномаси июл ойида тугайдиган Уилфред Ндидини таклиф қилмоқчи.
Манба берган хабарга кўра, жамоа бош мураббийи Ханс-Дитер Флик нигериялик футболчини яхши кўради, аммо Уилфред ҳали устувор номзод эмас.
Ндиди эркин агент сифатида шартнома имзолаши мумкин, бу молиявий муаммоларга дуч келаётган "Барселона" учун фойдали бўлади. 27 ёшли Уилфред ўтган мавсум Чемпионшипда 4 та гол урди ва 5 та голли узатмани амалга оширди.
