"Barselona"ning sobiq futbolchisi Sesk Fabregas yaqinda ishdan bo‘shatilgan Xavi Ernandesning faoliyati haqida gapirdi.
Mutaxassis may oyi oxirida ishdan bo‘shatildi. Uning o‘rniga Xans-Diter Flik tayinlandi.
“Xavi yosh futbolchilarni asosiy tarkib o‘yinlariga jalb etishga jur’at eta oldi va uning qo‘l ostida ko‘plab akademiya o‘yinchilari muvaffaqiyatga erisha olishdi. O‘ylaymanki, Xavi va Kumanning mehnati kelajakda o‘z mevasini beradi. Ba’zida jamoalarda sovrinlarni qo‘lga kiritish uchun yetuklik yetishmaydi, lekin uch-to‘rt yildan so‘ng bu yigitlar yulduz darajasiga yetib, ko‘plab titullarni qo‘lga kiritishadi, bunga ishonaman. Menimcha, Xavi o‘zini juda yaxshi ko‘rsatdi", - deya Fabregasning so‘zlaridan iqtibos keltiradi Barca Universal.
