"Барселона"нинг собиқ футболчиси Сеск Фабрегас яқинда ишдан бўшатилган Хави Эрнандеснинг фаолияти ҳақида гапирди.
Мутахассис май ойи охирида ишдан бўшатилди. Унинг ўрнига Ханс-Дитер Флик тайинланди.
“Хави ёш футболчиларни асосий таркиб ўйинларига жалб этишга журъат эта олди ва унинг қўл остида кўплаб академия ўйинчилари муваффақиятга эриша олишди. Ўйлайманки, Хави ва Куманнинг меҳнати келажакда ўз мевасини беради. Баъзида жамоаларда совринларни қўлга киритиш учун етуклик етишмайди, лекин уч-тўрт йилдан сўнг бу йигитлар юлдуз даражасига етиб, кўплаб титулларни қўлга киритишади, бунга ишонаман. Менимча, Хави ўзини жуда яхши кўрсатди", - дея Фабрегаснинг сўзларидан иқтибос келтиради Barca Universal.
