Mavsum boshlanishidan oldin "PSJ" darvozabon poziysiyasida birinchi raqamli futbolchiga ega emasligini ma’lum qildi. Darvozabonlar Janluidji Donnarumma, Arnau Tenas va potensial yangi futbolchi Matvey Safonovlar boshlang‘ich o‘rin uchun kurashadilar.
Lequipe xabariga ko‘ra, Parij klubi boshliqlari jamoada hali birinchi va ikkinchi raqamli darvozabon yo‘qligi haqida xabar berishgan.
Avvalroq matbuotda Safonov yozgi transfer oynasida parijliklar safiga qo‘shilishi haqida xabarlar tarqalgan edi. Fransiya chempioni krasnodarlik bitiruvchi bilan besh yillik mehnat shartnomasini imzolashga tayyor. Potensial transfer summasi 20 million yevroga baholanmoqda.
