Janubiy Koreyaning Suvon shahrida kamondan otish bo‘yicha Osiyo kubogi bosqichi o‘z yakuniga yetib bormoqda. Unda ishtirok etgan O‘zbekiston terma jamoasi bitta bronza medaliga sazovor bo‘ldi.
Yurtdoshlarimiz Amirxon Sodiqov va Ziyodaxon Abdusattorova mikst dasturida shohsupaning uchinchi pog‘onasiga ko‘tarilishdi.
Rejaga ko‘ra, ertaga yakkalik dasturida final bahslari bo‘lib o‘tadi. Afsuski, merganlarimiz bu yo‘nalishda medallar uchun kurashni erta tark etishdi.
Endi jamoamiz 15-16-iyun kunlari jamoaviy va yakkalik dasturdagi Parij-2024 lisenziyalari o‘ynaladigan yakuniy musobaqada ishtirok etish uchun Turkiyaning Antalya shahriga yo‘l oladi.
