"Udineze" Fabio Kannavaro bilan shartnomani uzaytirmaydi.
Bu haqda murabbiy ijtimoiy tarmoqlarda ma’lum qildi.
“Prezident Posso bugun menga mehnat shartnomamizni yangilamaslik qarori haqida xabar berdi. Men unga imkoniyat uchun minnatdorchilik bildiraman.
Aniqlik kiritmoqchimanki, men tomondan hamkorlikni davom ettirish istagi bor edi. Klubga, futbolchilarga va "Udineze"ning ajoyib muxlislariga omad tilayman", - deb yozadi Kannavaro.
Italiyalik mutaxassis aprel oyida klubni qabul qilib olgan edi, o‘shanda u 17-o‘rinda edi. Kannavaro qo‘l ostida “Udineze” mavsumni 15-o‘rinda yakunladi.
