"Удинезе" Фабио Каннаваро билан шартномани узайтирмайди.

Бу ҳақда мураббий ижтимоий тармоқларда маълум қилди.

“Президент Поццо бугун менга меҳнат шартномамизни янгиламаслик қарори ҳақида хабар берди. Мен унга имконият учун миннатдорчилик билдираман.

Аниқлик киритмоқчиманки, мен томондан ҳамкорликни давом эттириш истаги бор эди. Клубга, футболчиларга ва "Удинезе"нинг ажойиб мухлисларига омад тилайман", - деб ёзади Каннаваро.

Италиялик мутахассис апрель ойида клубни қабул қилиб олган эди, ўшанда у 17-ўринда эди. Каннаваро қўл остида “Удинезе” мавсумни 15-ўринда якунлади.