"Palmeyras" vingeri Luis Gilyerme "Vest Xem"ga o‘tishga yaqin turibdi.
Bu haqda insayder Fabrisio Romano xabar berdi. Manba bergan xabarga ko‘ra, "bolg‘achilar" 18 yoshli braziliyalik futbolchi borasida og‘zaki kelishuvga erishgan.
Ta’kidlanishicha, Gilyerme keyingi haftada tibbiy ko‘rikdan o‘tadi. Jurnalistning xabar berishicha, transfer summasi 23 million yevro va 7 million bonus to‘lov sifatida qayd etiladi.
2024 yilda Gilyerme barcha turnirlarda 18 ta o‘yinda qatnashib, bitta gol urdi va bitta golli uzatmani amalga oshirdi.
