"Barselona" himoyachisi Jyul Kunde "Real"ga yangi kelgan Kilian Mbappe haqida gapirdi.
“Mbappe – eng yaxshilarning eng yaxshisi. U sizni oldinga intilishda davom etishga undaydigan va agar siz qattiq mehnat qilsangiz, ertami-kechmi xohlagan narsangizga erishishingizga sizni ishontiradigan futbolchilardan biri", - deya Kunde so‘zlarini keltirmoqda Madrid Zone.
Eslatib o‘tamiz, so‘nggi yetti yil davomida Mbappe “PSJ”da o‘ynagan, biroq iyun oyi boshida “Real” hujumchi transferini rasman e’lon qilgandi.
