Xitoydagi xalqaro turnirda ishtirok etayotgan O‘zbekiston yoshlar (U19) terma jamoasi bugun musobaqaning 3-turi doirasida Vyetnamga qarshi o‘yinda maydonga tushdi.

Farhod Nishonov shogirdlarida "Huashan Cup International Tournament" musobaqasi g‘olibligi uchun imkoniyatni saqlab qolish uchun bugun g‘alaba qozonish talab etilar edi.
 
o‘yin davomida golga tortadigan vaziyatlarni yetarlicha yuzaga keltirishdi, ammo raqib darvozasini ishg‘ol qilish vakillarimizga nasib etmadi. Birinchi bo‘limga qo‘shib berilgan 2-daqiqada vakillarimiz Saidumarxon Saidnurullayevning goli evaziga hisobni ochishdi.

O‘yin tugashiga 15 daqiqa qolganida esa raqb kam sonli hujumlaridan birini gol bilan yakunladi. Ikkinchi bo‘limga 4 daqiqa qo‘shib berildi. Uning uchinchisi o‘tib borayotgan paytda Murodjon Komilov bosh bilan g‘alaba to‘pini kiritishga muvaffaq bo‘ldi.

Ushbu g‘alaba tufayli O‘zbekiston yoshlar terma jamoasi musobaqada 5 ochko jamg‘ardi. Ayni paytda Janubiy Koreya va Xitoy yoshlari o‘zaro hal qiluvchi bahsni o‘tkazmoqda. Ularning hisobida 4 tadan ochko bor. Mazkur o‘yinda 0:0 hisobidagi durang qayd etilsa, jamoamiz xalqaro turnir g‘olibiga aylanadi.

"Huashan Cup International Tournament"
O‘zbekiston - Vyetnam - 2:1
Gollar: Saidumarxon Saidnurullayev 45+2ʼ, Murodjon Komilov 90+3ʼ — (75')