Saudiya Arabistonining “An-Nasr” klubi Italiyaning “Yuventus” klubi darvozaboni Voysex Shesnini sotib olmoqchi, deya xabar beradi Fabrisio Romano.
Malumotlarga ko‘ra, "keksa sinyora" 34 yoshli Shesnini "Monsa"dan Mikele Di Gregorioni sotib olganidan keyin va Mattia Perin bilan shartnomani uzaytirish niyatida qo‘yib yuborishga tayyor. Polshalik darvozabonning o‘zi esa Saudiya Arabistoniga o‘tishdan manfaatdor emas.
Joriy mavsumda Voysex Shesni “Yuventus” safida 35 ta o‘yin o‘tkazib, 30 ta gol o‘tkazib yuborgan. 15 uchrashuvda darvozabon darvozasidan gol o‘tkazib yubormadi.
