Xabaringiz bor, Professional futbol ligasi odatga ko‘ra, har oy Superliganing eng yaxshi murabbiy, futbolchisi hamda eng chiroyli gol muallifini aniqlab kelmoqda.
Ortda qolgan may oyida Superligada 5 ta tur bahslari hamda O‘zbekiston Superkubogi uchun o‘yin bo‘lib o‘tdi. Ushbu uchrashuvlar davomida bir qator futbolchi va murabbiylar o‘zlarini ko‘rsatishdi.
Ovoz berish jarayonida musobaqalarni bevosita sharhlab borayotgan, tahlil qilayotgan, mutaxassis sifatida kuzatayotgan va albatta biror klubda faoliyat olib bormayotgan neytral shaxslar ishtirok etdi va ovoz berish natijasiga ko‘ra, Qarshining "Nasaf" klubi bosh murabbiyi Ro‘ziqul Berdiyev may oyining eng yaxshi murabbiyi deb topildi.
Ro‘ziqul Berdiyev qo‘l ostida "Nasaf" 6 ta o‘yin o‘tkazib, 3 ta g‘alaba qozondi, 3 ta durang o‘ynadi. To‘plar farqi 10:5.
