"Bayer" va Niderlandiya terma jamoasi himoyachisi Jeremi Frimpong "Barselona"ga o‘tishi mumkin, deb xabar bermoqda Sport.es internet nashri.
Manbaning xabariga ko‘ra, klubning yangi bosh murabbiyi Xans-Diter Flikning shaxsan o‘zi ushbu transferga qiziqmoqda va 23 yoshli futbolchi uning ustuvor variantiga aylangan; Qayd etilishicha, “Barselona” allaqachon Leverkuzenga taklif bilan chiqqan, biroq nemislar buni ahamiyatsiz deb hisoblashgan.
Frimpongning o‘zi faoliyatini davom ettirish uchun yangi joy haqida qaror qabul qilishdan oldin Yevropa chempionati tugashini kutmoqchi.
Eslatib o‘tamiz, joriy mavsumda Frimpong barcha turnirlarda 47 ta o‘yinda ishtirok etib, 14 ta gol va 12 ta golli uzatmaga mualliflik qilgan.
