"Байер" ва Нидерландия терма жамоаси ҳимоячиси Жереми Фримпонг "Барселона"га ўтиши мумкин, деб хабар бермоқда Sport.es интернет нашри.

Манбанинг хабарига кўра, клубнинг янги бош мураббийи Ханс-Дитер Фликнинг шахсан ўзи ушбу трансферга қизиқмоқда ва 23 ёшли футболчи унинг устувор вариантига айланган; Қайд этилишича, “Барселона” аллақачон Леверкузенга таклиф билан чиққан, бироқ немислар буни аҳамиятсиз деб ҳисоблашган.

Фримпонгнинг ўзи фаолиятини давом эттириш учун янги жой ҳақида қарор қабул қилишдан олдин Европа чемпионати тугашини кутмоқчи.

Эслатиб ўтамиз, жорий мавсумда Фримпонг барча турнирларда 47 та ўйинда иштирок этиб, 14 та гол ва 12 та голли узатмага муаллифлик қилган.