"Vulverxempton" "Braga" vingeri Rodrigu Gomeshni o‘z safiga qo‘shib oldi.

21 yoshli vinger 2029 yilgacha mo‘ljallangan shartnoma imzoladi va yiliga taxminan 1 million yevro maosh oladi. APL klubi Gomesh uchun taxminan 15 million yevro to‘lashi xabar qilingandi.

Eslatib o‘tamiz, Gomesh “Vulverxempton”ning hozirgi tarkibidagi 9-portugaliyalik futbolchiga aylandi.

2023/24 yilgi mavsumda Gomesh "Eshtoril"da ijara asosida o‘ynadi. Portugaliya chempionatining 30 ta uchrashuvida u 7 ta gol urdi va 7 ta golli uzatmani amalga oshirdi.