Fransiya terma jamoasi hujumchisi Kilian Mbappe bo‘lajak Yevropa chempionati haqida gapirdi.
“Men Yevroda g‘olib chiqishni xohlayman. Men halol bo‘lishim kerak. Men jahon chempionligini qo‘lga kiritdim. Millatlar ligasida g‘olib chiqdim. Terma jamoada men uchun erishilmagan yagona narsa bu Yevroda g‘alaba qozonish. Bu mening terma jamoa sardori sifatidagi birinchi turnirim bo‘ladi, shuning uchun bu men va butun mamlakat uchun ayniqsa muhim. Bu mamlakat tarixini yozish uchun yana bir imkoniyat”, — dedi Mbappe.
Eslatib o‘tamiz, Fransiya terma jamoasi oxirgi marta 2000 yilda Yevropa chempionligini qo‘lga kiritgandi.