Ispaniya terma jamoasi bosh murabbiyi Luis de la Fuente terma jamoa yarim himoyachisi Rodrining o‘yin sifatiga yuqori baho berdi.

“Men uchun u dunyoning eng yaxshi markaziy yarim himoyachisi, mukammal oltinchi raqam. U o‘yinning barcha jabhalarida ustunlik qiladi. U qanday hujum qilishni va qanday himoya qilishni yaxshi tushunadi, to‘pga ortiqcha bog‘lanib qolmaydi, uzatmaga doim tayyor, u juda mehnatkash, o‘yinni his qiladi.

Men uchun bu haqiqiy iste’dod. Rodri – mashaqqatli mehnat va fidoyilik ramzi u, ehtimol, dunyodagi eng yaxshi murabbiylardan biri qo‘l ostida o‘ynamasa, bu darajaga erisha olmasligini tushundi.

Uning eng yaxshi fazilatlari - kamtarlik, har qanday murabbiydan maslahat o‘rganish va qabul qilishga tayyorlik.

U shu tufayli o‘sdi, o‘sib bormoqda va o‘sadi", - deya De la Fuentening so‘zlarini keltiradi UEFA rasmiy sayti.