Xorvatiya terma jamoasi himoyachisi Yoshko Gvardiol o‘z terma jamoasi Yevro-2024da "o‘lim guruhi"dan joy olgani haqida gapirdi. Eslatib o‘tamiz, xorvatlar guruh bosqichida Italiya, Ispaniya va Albaniya bilan o‘ynaydi.
"Bu qiyin guruh va eng muhimi, biz buni juda yaxshi tushunamiz. An’anaga ko‘ra Ispaniyaga qarshi o‘ynash biz uchun qiyin. Lekin ispanlar bilan uchrashish ham katta sharaf, chunki ular ajoyib futbol xalqi. Ular butun o‘yin davomida to‘pga egalik qilishlari bilan mashhur. Xuddi shu narsa Italiyaga ham tegishli. Ular, shubhasiz, yuqori sifatli jamoaga ega. O‘ylaymanki, har bir o‘yin uchun reseptimiz shuki, biz vaziyatni nazorat qilib, tashabbusni o‘z qo‘limizga olishga harakat qilamiz. Biz to‘pni nazorat qilishimiz kerak, chunki usiz shunchaki maqsadsiz yugurishga harakat qilsak, asosiy maqsadga erishishimiz qiyin bo‘ladi", - dedi Gvardiol UYEFA rasmiy saytiga.
