Ispaniya terma jamoasining markaziy himoyachisi Eymerik Lyaport 2024 yilgi Yevropa chempionatining dastlabki turida Xorvatiya terma jamoasiga qarshi o‘yinni o‘tkazib yuborish xavfi bor. Bu haqda Marca nashri xabar bermoqda.
Futbolchi "qizil furiya"ning so‘nggi mashg‘ulotini o‘tkazib yubordi. Manbaga ko‘ra, Lyaport mushaklarda noqulaylikni his qilgan. Futbolchi ayni damda tiklanish kursidan o‘tmoqda.
Eslatib o‘tamiz, Yevropa chempionati 14 iyundan 14 iyulga qadar Germaniyada bo‘lib o‘tadi. Ispaniya terma jamoasi guruh bosqichining ilk o‘yinida Xorvatiya terma jamoasiga qarshi o‘tkazadi. O‘yin 15 iyun kuni bo‘lib o‘tadi va Toshkent vaqti bilan soat 21:00da boshlanadi.
