Rossiyaning "Gazprom" kompaniyasi Istanbulning "Beshiktosh" klubining titul homiysiga aylanishi mumkin. Bu haqda insayder Gekman O‘zkan ijtimoiy tarmoqlar orqali xabar bermoqda.
"Gazprom" Rossiya chempioni Sankt-Peterburgning "Zenit" klubi homiysi hisoblanadi. Avvalroq matbuotda "ko‘k-oq-ko‘k"lar "Beshiktosh" bilan ikki futbolchini sotib olish borasida muzokara olib borayotgani haqida xabarlar tarqalgan edi. Yarim himoyachilar Jedson Fernandes va Baxiyor Zaynutdinovlar Rossiya klubi safiga qo‘shilishi mumkin.
Turkiya chempionatining so‘nggi mavsumida “Beshiktosh” omadsiz o‘ynadi. Istanbul top-klubi 56 ochko jamg‘arib, turnir jadvalida atigi oltinchi o‘rinni egalladi.
