Россиянинг "Газпром" компанияси Истанбулнинг "Бешиктош" клубининг титул ҳомийсига айланиши мумкин. Бу ҳақда инсайдер Гекман Ўзкан ижтимоий тармоқлар орқали хабар бермоқда.
"Газпром" Россия чемпиони Санкт-Петербургнинг "Зенит" клуби ҳомийси ҳисобланади. Аввалроқ матбуотда "кўк-оқ-кўк"лар "Бешиктош" билан икки футболчини сотиб олиш борасида музокара олиб бораётгани ҳақида хабарлар тарқалган эди. Ярим ҳимоячилар Жедсон Фернандес ва Бахиёр Зайнутдиновлар Россия клуби сафига қўшилиши мумкин.
Туркия чемпионатининг сўнгги мавсумида “Бешиктош” омадсиз ўйнади. Истанбул топ-клуби 56 очко жамғариб, турнир жадвалида атиги олтинчи ўринни эгаллади.
