"Manchester Siti" bosh murabbiyi Pep Gvardiola jamoaning sobiq yarim himoyachisi Ilkay Gyundogan haqida gapirdi. Hozirda 33 yoshli yarim himoyachi "Barselona"da to‘p tepmoqda.
"Ilkay ko‘p gapirmasdi, lekin so‘z olganida hamma uni tingladi, jumladan men ham. Menga uning o‘yin haqidagi qarashlari, g‘oyalari yoqdi. Ilkay bilan taktikani muhokama qilish juda yoqimli edi", - dedi Gvardiola.
Gyundogan 2016 yildan 2023 yilgacha "Manchester Siti"da o‘ynagan. Shu vaqt ichida u barcha turnirlarda 304 ta o‘yin o‘tkazib, 60 ta gol urdi va 38 ta golli uzatma muallifiga aylandi.
