Angliya terma jamoasining sobiq futbolchisi Pol Ins o‘z so‘zlarida hozirgi "uch sherlar" jamoasining sifatini past baholadi.
"Bu Angliya jamoasi ajoyib futbolchilardan iborat jamoa emas. Ha, ular yosh va qiziqarli, biroz tajribaga ega, ammo bu Angliyaning tarixdagi eng yaxshi jamoasi, deyish shunchaki kulgili. Ba’zilar so‘nggi turnirlar natijalariga qarashadi va biz Angliyada yaxshi jamoa borligini his qilamiz.
Lekin siz 1996 yilda biz bilan o‘ynagan futbolchilarning saviyasini va inglizlar hozir qarshi o‘ynagan futbolchilarni tushunishingiz kerak. Bizning davrimizda saviya juda yuqori edi. Hatto Ruminiya terma jamoasida ham Georgi Xadjidek jahon darajasidagi futbolchilar bor edi.
Italiya terma jamoasini Barella bilan qarang, keyin esa Paulo Rossi va Marko Tardelli bilan Italiyani eslang. Bular biz qarshi o‘ynagan futbolchilar. Nazarimda, xalqaro futbol saviyasi tushib ketdi. Angliyada yaxshi jamoa bor, lekin ularni barcha davrlarning eng yaxshi jamoasi deb hisoblash kulgili" - dedi Ins.
Angliya terma jamoasi Yevro-2024 doirasidagi ilk o‘yinni 16 iyun kuni Serbiyaga qarshi o‘tkazadi.
