Англия терма жамоасининг собиқ футболчиси Пол Инс ўз сўзларида ҳозирги "уч шерлар" жамоасининг сифатини паст баҳолади.
"Бу Англия жамоаси ажойиб футболчилардан иборат жамоа эмас. Ҳа, улар ёш ва қизиқарли, бироз тажрибага эга, аммо бу Англиянинг тарихдаги энг яхши жамоаси, дейиш шунчаки кулгили. Баъзилар сўнгги турнирлар натижаларига қарашади ва биз Англияда яхши жамоа борлигини ҳис қиламиз.
Лекин сиз 1996 йилда биз билан ўйнаган футболчиларнинг савиясини ва инглизлар ҳозир қарши ўйнаган футболчиларни тушунишингиз керак. Бизнинг давримизда савия жуда юқори эди. Ҳатто Руминия терма жамоасида ҳам Георги Хаджидек жаҳон даражасидаги футболчилар бор эди.
Италия терма жамоасини Барелла билан қаранг, кейин эса Пауло Росси ва Марко Тарделли билан Италияни эсланг. Булар биз қарши ўйнаган футболчилар. Назаримда, халқаро футбол савияси тушиб кетди. Англияда яхши жамоа бор, лекин уларни барча даврларнинг энг яхши жамоаси деб ҳисоблаш кулгили" - деди Инс.
Англия терма жамоаси Евро-2024 доирасидаги илк ўйинни 16 июнь куни Сербияга қарши ўтказади.
