Superliganing 11-turida "Metallurg" Olmaliq shahrida Toshkentning "Bunyodkor" jamoasini qabul qiladi. Mazkur jamoalar shu kunga qadar o‘zaro 36 marotaba to‘qnash kelishgan. “Qaldirg‘ochlar” 26 ta o‘yinda g‘alaba qozongan. 4 ta o‘yinda “Metallurg” zafar quchgan. 6 ta uchrashuvda esa durang qayd etilgan. To‘plar nisbati: 66:28.
Mazkur jamoalarning Bekobodda bo‘lib o‘tgan uchrashuvlarida ham ustunlik toshkentliklar tomonida. Maydon egalari 18 ta uchrashuvning 3 tasida yutuqqa erishgan, 4 ta bahsni durang bilan yakunlagan, 11 ta o‘yinda esa poytaxtliklarning qo‘li balan kelgan. Kiritilgan va o‘tkazib yuborilgan to‘plar farqi – 17:30.
Bekobodda o‘tgan so‘nggi beshta uchrashuv:
27.05.2023 «Metallurg» - «Bunyodkor» 1:1
07.10.2022 «Metallurg» - «Bunyodkor» 1:2
16.03.2021 «Metallurg» - «Bunyodkor» 1:0
20.11.2020 «Metallurg» - «Bunyodkor» 2:3
25.05.2019 «Metallurg» - «Bunyodkor» 0:2
“Bunyodkor” haqida
“Bunyodkor” mamlakatimizning yosh jamoalaridan biri. Klubga asos solinganiga 19 yil bo‘ldi. Jamoa qisqa fursatda birinchi ligadan oliy ligaga yo‘l oldi. 2007 yildan elitada o‘ynayotgan “qaldirg‘ochlar” 5 marta O‘zbekiston chempioni, 2 marta vise-chempion, 2 marta bronza medali sovrindori, 4 marta O‘zbekiston kubogi, 1 marta O‘zbekiston Superkubogi sohibi bo‘ldi.
“Qaldirg‘ochlar”ning uy stadioni mamlakatimizdagi eng muhtasham futbol majmuasi – “Bunyodkor” stadioni sanaladi. 2012 yilning 28 sentyabr sanasida qurib, foydalanishga topshirilgan, “Bunyodkor” va O‘zbekiston milliy terma jamoasi uy stadioni hisoblanuvchi maskan o‘z bag‘riga 34000 tomoshabinni sig‘diradi.
“Bunyodkor” bugungacha oliy liga bahslarida 482 ta uchrashuv o‘tkazgan. Shulardan 288 tasida g‘alaba qozongan, 105 tasida durang o‘ynagan, 89 tasida mag‘lubiyatga uchragan. Kiritilgan va o‘tkazib yuborilgan to‘plar farqi – 835:405. Jamoaning kuchlilar safidagi eng yirik g‘alabasi – 7:0 (“Sho‘rtan”, 2008 yil), eng yirik mag‘lubiyati – 0:5 (“Paxtakor”, 2020 yil).
