Erik ten Xag "Manchester Yunayted" bosh murabbiyi sifatida ishlashda davom etadi. Taxminlarga ko‘ra, niderlandiyalik murabbiy hatto "qizil iblislar" bilan shartnomasini 2027 yilning o‘rtalariga qadar uzaytiradi.
The Sun nashri xabariga ko‘ra, ten Xag yangi mehnat shartnomasini tuzishdan oldin klubga uchta talab qo‘ygan.
Birinchidan, ten Xag texnik direktor Jeyson Uilkoksdan jamoa taktikasidan chetda qolishni xohlaydi. Qayd etilishicha, Uilkoks yaqinda Angliya kubogi finalida ten Xagni Brunu Fernandeshni "yolg‘on to‘qqizlik" sifatida ishlatishga undagan va bu murabbiyga yoqmagan.
Ikkinchidan, ten Xag Jaydon Sancho faqat uzr so‘raganidan keyin asosiy jamoaga qaytishi mumkinligini ta’kidlamoqda. Xabaringiz bor, o‘tgan yili Sancho va ten Xag o‘rtasida mojaro kelib chiqqan va qishda futbolchi "Borussiya"ga ijaraga berilgandi.
Uchinchidan, ten Xag klubdan murabbiylar shtabiga kiruvchi Benni Makkarti bilan shartnomani uzaytirishini xohlaydi.
