Эрик тен Хаг "Манчестер Юнайтед" бош мураббийи сифатида ишлашда давом этади. Тахминларга кўра, нидерландиялик мураббий ҳатто "қизил иблислар" билан шартномасини 2027 йилнинг ўрталарига қадар узайтиради.
The Sun нашри хабарига кўра, тен Хаг янги меҳнат шартномасини тузишдан олдин клубга учта талаб қўйган.
Биринчидан, тен Хаг техник директор Жейсон Уилкоксдан жамоа тактикасидан четда қолишни хоҳлайди. Қайд этилишича, Уилкокс яқинда Англия кубоги финалида тен Хагни Бруну Фернандешни "ёлғон тўққизлик" сифатида ишлатишга ундаган ва бу мураббийга ёқмаган.
Иккинчидан, тен Хаг Жайдон Санчо фақат узр сўраганидан кейин асосий жамоага қайтиши мумкинлигини таъкидламоқда. Хабарингиз бор, ўтган йили Санчо ва тен Хаг ўртасида можаро келиб чиққан ва қишда футболчи "Боруссия"га ижарага берилганди.
Учинчидан, тен Хаг клубдан мураббийлар штабига кирувчи Бенни Маккарти билан шартномани узайтиришини хоҳлайди.
