"Lill" markaziy himoyachisi Leni Yoro transfer bozorida eng ko‘p e’tiborda bo‘lgan yosh futbolchilardan biri bo‘lib qolmoqda.
18 yoshli futbolchi "Real Madrid"ning asosiy maqsadi hisoblanadi, ammo "Los-Blankos" bu transferni amalga oshirishga shoshilmayapti. Ayni paytda, Diario AS xabariga ko‘ra, "Manchester Yunayted" va "PSJ" shartnoma ustida faol ishlamoqda - ikkala klub ham muzokaralarda muvaffaqiyatga erishgan. Ingliz grandi hatto "Lill"ga so‘ralgan summaga yaqin pul taklif qildi.
Leni Yoroning o‘zi, mish-mishlarga ko‘ra, "Real Madrid"ga o‘tishni afzal ko‘radi.
Transfermarkt portali yosh fransiyalik futbolchining narxini 50 million yevroga baholamoqda.
