Angliya terma jamoasi va “Bavariya” hujumchisi Xarri Keyn Germaniya chempionatidagi debyut mavsumi haqida gapirdi.
"Ajoyib tajriba. O‘ylaymanki, "Bavariya" kabi klubda o‘ynash faqat foydali bo‘lishi va yuqori darajaga chiqishga imkon berishi mumkin, chunki bu yerda siz har bir uchrashuvda aql bovar qilmaydigan bosim ostida bo‘lasiz va sizdan doimo yaxshi o‘yin ko‘rsatishingiz kutiladi.
Albatta, "Bavariya"ning o‘yinchilari qanchalik yaxshi va murabbiylar qanchalik kuchli ekanligini hamma biladi. Turli stadionlarda o‘zimni sinab ko‘rish menga juda yoqdi. Atmosfera shunchaki ajoyib. O‘ylaymanki, Germaniyadagi Yevroda ham shunday bo‘ladi", - deya Keyn so‘zlarini keltiradi UEFA rasmiy sayti.
O‘tgan mavsumda myunxenliklar safida 45ta o‘yinda Keyn 44ta gol urgan va 12ta golga assistentlik qilgan.
