Mats Xummels "Borussiya Dortmund" bilan iliq xayrlashdi.
Bugun nemis klubi 35 yoshli himoyachining ketishini e’lon qildi.
"Hurmatli muxlislar, mening Dortmunddagi faoliyatim klubdagi 13 yildan ko‘proq vaqtdan so‘ng o‘z nihoyasiga yetdi. Dortmundda uzoq vaqt o‘ynash va 2008 yilning yanvaridan beri klub bosib o‘tgan yo‘lning bir qismi bo‘lish men uchun katta quvonch va sharafdir.
Bu klub va bu muxlislar o‘zgacha, men uchun esa bundan ham ko‘proq. Shuningdek, men Dortmundda ushbu klub uchun shunday ajoyib ishlarni amalga oshirayotgan barchaga va, albatta, bu yerda uchrashgan son-sanoqsiz ajoyib murabbiylar va fantastik jamoadoshlarimga rahmat aytmoqchiman.
Men barchamiz kuboklarni nishonlash uchun imkon qadar tezroq Borzigplasda to‘planishimizni juda xohlayman. Ungacha chetdan turib, vaqti-vaqti bilan stadionimizda ham xursand bo‘laman. Men sizlarni sog‘inaman", - dedi 35 yoshli Xummels.
Eslatib o‘tamiz, Mats 2008 yildan 2016 yilgacha "Borussiya" safida o‘ynagan. Keyin u "Bavariya"ga yo‘l oldi va 2019 yilda Dortmundga qaytdi. U "Borussiya" bilan 6 ta sovrin, shu jumladan 2 ta chempionlik, shuningdek, ikki marta Chempionlar ligasi finalida o‘ynagan.
O‘tgan mavsumda Xummels Bundesligada 25ta o‘yin o‘tkazib, 3ta gol urgan.
