Матс Хуммельс "Боруссия Дортмунд" билан илиқ хайрлашди.

Бугун немис клуби 35 ёшли ҳимоячининг кетишини эълон қилди.

"Ҳурматли мухлислар, менинг Дортмунддаги фаолиятим клубдаги 13 йилдан кўпроқ вақтдан сўнг ўз ниҳоясига етди. Дортмундда узоқ вақт ўйнаш ва 2008 йилнинг январидан бери клуб босиб ўтган йўлнинг бир қисми бўлиш мен учун катта қувонч ва шарафдир.

Бу клуб ва бу мухлислар ўзгача, мен учун эса бундан ҳам кўпроқ. Шунингдек, мен Дортмундда ушбу клуб учун шундай ажойиб ишларни амалга ошираётган барчага ва, албатта, бу ерда учрашган сон-саноқсиз ажойиб мураббийлар ва фантастик жамоадошларимга раҳмат айтмоқчиман.

Мен барчамиз кубокларни нишонлаш учун имкон қадар тезроқ Борзигплацда тўпланишимизни жуда хоҳлайман. Унгача четдан туриб, вақти-вақти билан стадионимизда ҳам хурсанд бўламан. Мен сизларни соғинаман", - деди 35 ёшли Хуммельс.

Эслатиб ўтамиз, Матс 2008 йилдан 2016 йилгача "Боруссия" сафида ўйнаган. Кейин у "Бавария"га йўл олди ва 2019 йилда Дортмундга қайтди. У "Боруссия" билан 6 та соврин, шу жумладан 2 та чемпионлик, шунингдек, икки марта Чемпионлар лигаси финалида ўйнаган.

Ўтган мавсумда Хуммельс Бундеслигада 25та ўйин ўтказиб, 3та гол урган.